Et premier qu'il fut deliberé en la dite église mander maçons sçavans pour deliberer de l'ouvrage que on voulloit faire pour la quelle cause fut mandé un nommé Chappion, maître maçon conduisant l'ouvraige de l'église Saint Pierre de Beauvais seroit venu en ceste ville visiter le lieu et caves et pour son voiage avoit esté donné deux escus sol. pour ce

Item, à Jehan Mallin, maçon demeurant à Montegny, qui seroit venu avec luy et visité ensemble le dit ouvraige, auquel fut pareillement donné

Item, pour les despenses de Chappion, Mallin, leurs chevaux et aucuns gens et machons de ceste ville qui les auroient assisté à faire la dite visitation a esté paié la somme de

Item, que depuis Me Chappion seroit venu en ceste ville, auroit baillé le pourtraict de l'ovraige avec son plain, au quel pour son dit voiage et pourtraict a esté paié six escus soleil pour ce

Item, à l'homme du dit Me Chappion qui seroit venu avec luy a esté baillé et donné deux teston pour ce

Item, au dit Jehan Mallin qui seroit pareillement venu avec ledit Chappion et autres à faire le dit marché tant du portail que du clocher, et mis ficqueron partout au quel pareillement a esté donné

Item, pour la despense de la dite aide leurs chevaux au soupper

Item, pour la despense de lendemain où estoient les dits Lalouette, Rivere, Maillard et autres à aider à faire le dit masonnaige des dites fondations a esté payé

Item, pour autre voiage pendant que on faisoit les deblais et qu'on maçonnoit ès caves a esté paié

Item, à Mahiot du Pont et Jehan Dupont, pour avoir faict treize toises du puis au priz de VII sols la toise a esté paié IIIIl onze sols pour ce

Item, à Pierre Parmentier, Hebert Lalouette et fils du dit Lalouette, maçons, pour trois jours et demy quils ont vacqué a machonner ès dits puis a esté paié ausdits Parmentier et Hubert trois sols pour jour et aus dits fils pour ce

Item, à Mahiot du Pont pour trois jours quil a besongné et passé terre et pour faire le dit puis a esté paié

Item, à ung nommé Francois pour avoir servy les dits maçons a deux jours a esté paié

Item, à Thomas Queminuet pour avoir servy VIII jours et demy a esté paié

Item, pour avoir cinq jours fait a la Chandeleur a esté paié

Pour la sepmaine commenchant le lundy quatriesme jour de fevrier.

Item, à Thomas Queminet, Jehan le Scellier, Angoulesme, Mahieu du Pont dit Cormon, manouvriers, pour avoir besongné ladite sepmaine par VI jours au prix de vingt deniers pour jour a esté paié, assavoir ausdits Jehan le Scellier et Mahieu du Pont à chacun dix sols, au dit Jean Dupont IXs VIId et au dit Augoulesme VIIs Vllld sont

Item, audit Pierre Parmentier pour desservir la maçonnerie, vacqué, par six jours au pris de IIIs pour jour pour ce

Item, pour deux lots de vin donnés pour aider à aller querir le eskelle

 Item, à Authoine Waconssaint, carrelier, donné pour avoir par luy livré la quantité de sept cent quatre-vingt quatre pied et demi de pierre de dur bancq de Becquegnies, au pris de IXd tournois pour chacun pied prins audit lieu et carriere de Becquegnies auquel a esté paié la somme de vingt neuf livres VIII sous IIII oboles, comme appert par la quitance

Item, à Pierre Heman, Jehan Bellin, Gabriel Daussi, Christophe Le maire, Jehan Daunois et Florent Daunois pour avoir amener la ditte pierre au pris de six deniers chacun pied pour ce