A Baudechon, machon demeurant à Roie, lequel avait été mandé par les marguilliers et paroissiens de ladite église pour faire la visitation des vaultes d'icelle pour les reffaire et mectre à point, pour ce a lui payé tant pour son sallaire comme pour ses déspens

Item, a luy encore pour sa paine et sallaire de estre revenus de la ville de Roie audit Mondidier pour mestre à prix l'ouvrage et machonnerie des vaultes pour ce paié XIs VId ainsi sont ; et paié en ces deux parties la somme de

A maistre Michel Dubus, maistre machon de l'église Nostre Dame d'Amiens, qui par le consentement d'iceux marguilliers et paroissiens a visité et mis à pris ledit ouvrage d'icelles vaultes dont il devoit avoir durant ladite visitation les despens de luy et de son cheval en quoi il a vaqué III jours pour ce à lui paié

Item, pour les despens seullement que on fais deux machons d'Arras en faisant la visitation des dites vaultes polir scavoir encorres en quel estat elles estoient

A Colart Bleuet, Baudechon de Roie et Colart de Douay machons, pour leurs paines et sallaire d'avoir aussi vaquié à la visitation d'icelles vaultes pour avoir si ils pouvoient mestre a pris ledit ouvraige desdites vaultes ou icelles resartir